Sub Pollicini tutelà
- Officina Latinitatis
- Apr 30
- 2 min read

Magister Maurus Pisini, cuius praeclari quidem nominis poetae valde gloriamur (nec, tamen, nos dignos autumamus) amicità, hanc cuiusdam carminis Italici intepretationem Latinam coram divulgandam transmisit. Poematium, "cui Sotto la protezione di Pollicino est nomen, a Valerio Magrelli exaratum est et editum in libro qui Exfanzia inscribitur (Taurini, 2022, p. 91)" (M. Pisini).
Honori sane et gloriae est nobis, hanc lepidissimam interpretationem Latinam nostris in paginis exprimere. Carmen, Italico sermone a Valerio Magrelli conscriptum, infra legere poteritis.
[1]Qui hanc artem exercet,
id est, in opus quoddam incumbere, dum studia simul excolit,
interdum, putat se ope librorum fieri posse ditiorem.
Ita, autem, non est: illi enim nos vivos devorant,
nos extenuant, conficiunt,
nos in imis effodiunt atque exinaniunt.
Quo diutius vivo, eo magis obliviscor ea omnia quae noveram.
Nil iam scio, quin immo,
rebus illis procul auferor quas legi.
Haud secus ac mica quaedam efficior,
plane prorsus exesus cunctis illis historiis
quae multos per annos supra me suum flatum exhalarunt.
Libri te caelant, uti ventus cautes.
Liber omnis quem volvo me limà exedit,
me abradit, levigat, asperum cum sit agens quoddam atmosphaericum.
Quo plura lego, eo magis mihi videor evanescere,
immo, debilitor,
alienis verbis in pulverem redactus.
[Maurus Pisini Latine interpretatus est]
NOTAE
1: Qui hic sub veste Latinà leguntur sunt versus quolibet metri genere soluti et uno verborum rhythmo innixi.
Sotto la protezione di Pollicino
Chi fa questo mestiere,
lavorare studiando,
a volte pensa che i libri lo arricchiscano.
Non è così: ci divorano vivi,
ci divorano e spolpano,
ci scavano e assottigliano.
Più vivo, più dimentico tutto quanto sapevo.
Non so più niente; anzi,
sono spazzato via da ciò che ho letto.
Mi riduco a una briciola, corroso,
eroso da tutte quante quelle storie
che hanno soffiato anni e anni su di me.
I libri ti lavorano, come il vento la roccia.
Ogni libro che leggo, mi lima,
mi cancella e smeriglia, aspro agente atmosferico.
Più leggo, più sparisco:
mi atrofizzo,
polverizzato dalle parole altrui.
[Valerio Magrelli]
Comments